|
SubscriptionsSites I Read
|
|
|
|
| Entry: 915
Date: 1-3/1, 2009
Topics: Outward Bound
經常聽人講, outward bound有幾剌瀲
跳山跳海跳樓跳崖跳乜跳物
一直都好想玩
搵左好耐, 先搵齊12人, 多一個少一個都唔玩得
除夕晚12:59, 聽到街外既途人歡呼, 車輛響安
我卻留係hall, 沖緊涼
我個朋友笑我
除夕元旦入camp, 悶唔悶左D
雖然無我出去countdown無得去玩, 但我仍然好期待個trip!
1.1.2009
7點同alex, terry係hall出發
先會合ricky, 係彩虹會合michelle, wenice, kimmy, 瓜奶, 了哥
再係西貢會合jim, 一粒, bobo
一夥人食早餐
入到西貢大網仔
個景好靚呀!! 個灘好靚!! D水好清!!
briefing 當日, 明明選了個女教練
但最後卻變了兩個男教練, Anthony & Frank
前者年逾40, 後者逾30
行裝都未放置好, 大家就要換上泳衣
學獨木舟!!!
甚麼一星二星三星, 一早已經好想學!!
終於有機會喇!
一夥人落水試水溫
凍到叫媽媽!!
Anthony指示我地, 2人一隊
出到海, 先掃2下水, 再向一邊翻艇, 先拍3下艇身, 後除浪裙, 才由其中一邊浮上水
我同一粒一隊
佢佢出到去就話:「右邊, 準備1, 2, 3」
以一粒既份量, 隻艇立即反
雖然我識游水, 反艇一刻, 都有點不知所措!
呆一呆, 先記得要拍3下艇身
再拉開浪裙, 游出黎
上水後, 又係好凍!!
之後沖涼, 食lunch!
下午開始好忙碌
搬船搬物資
要分開可濕水不可濕水, 然後再入防水袋
位置少, 物資多, 時間趕
多得班壯男勁塞入獨木舟既船艙
學了幾下用槳後
3半出海, 一行6隻艇
同一粒一組, 基本上我唔洗撐
隻艇都好似開turbo咁向前飛, 話停就停, 好大力!!
在海旁簡單試行一段時間, 其中一隻艇有點掌舵不定
教練要我地係海上轉艇
2隻艇並排後, 我先往後靠向一粒, terry補位, 而我就移到瓜奶後面
過程幾有趣!
坐後面原來辛苦好多! 因為要不停切水控制方向
又要更用力撐, 去保持速度
撐到我全身濕透
在海上撐左2小時接近3公里, 天色漸暗
仍然離我地目的地逾4公里
教練突然叫停, 要我地做決定
因為海水於今晚有大漲, 漲上2,4米
附近所有海灘包括目的地在內, 眼見到既陸地都會被水浸沒
5:50就日落, 還不到半小時
想回頭, 又不行, 因為時間不夠
教練催促要快下決定
領航員Alex提議到就近XX灣, 一個小島
如果真係水漲的話, 仍然會浸到
但無可奈何下, 大家都趕快到XX灣
上到岸, 濕身加上大風, 好凍
大家趕忙把艇搬到高處
望住幾隻艇, 當時大家都幾亂, 連我都有點不知所措
眼見個灘面積好細, D營起係邊都會比水浸到
大家合力將船艙所有物資堆在一起, 找來幾支電筒
幾個男仔想去探路搵地方起營
但因為天色真係好暗, 再花時間搵路就起唔切營, 會好麻煩
於是大家就懷住幾分擔憂既心情, 開始settle down所有野
先要幾個人去check艇, 搬艇, 收槳, 收救生衣, 收浪裙, 這要靠壯男喇
幾個人搬物資, 起4個營, 再分派物資
其間開始準備cookset食物煮飯洗菜
這時, 大家仍然濕身著短褲, 可想而知有幾凍
唔覺唔覺食到9點, 最後仲有alex沖既阿華田
大家圍左個圈, 不停傳這碗阿華田, 一人一啖, 感覺真係好warm!!
有一下抬頭, 見到一下流星閃過!
當晚訓覺, 5個女仔擠在一起, 好暖呀!!
聽到班男仔營大叫有人放屁, 好好笑!
期間聽到D水聲愈來愈近, 幾驚真係水浸上黎!
一路都感覺自己無訓過
但原來kimmy發開口夢比狗咬
我聽唔到喎XD 即係都有訓過!
一整晚風聲涮涮, 出面一定好凍!
2.1.2009
朝早6點起身, 凍到連個營都唔想出
可憐既係, 我無帶衫上艇, 而原來既衫, 已經全濕
凍到口震震咁食早餐
之後開始收營pack野上獨木舟
著住對又濕又凍又多沙既鞋
磨到隻腳非常痛!
8點出艇, 今次又同瓜奶一組
目的地係一個鄰近半月灣既沙灘, 全程6公里
今次我決定拎相機影相!
昨日唔可以用舵, 要自己控制方向
今次可以用舵喇!!!
好玩好多!! 又易控制好多!!
大力一點撐, 己經可以好快
大家都好快上手, 大夥人好似鬥車咁
係一遍大海上面飛馳, 好不暢快!
久不久有幾隻大船經過
所湧過來既浪, 剌激到足夠令我V嘩鬼叫!
尋日用2個幾鐘, 撐左3公里
今日用2個幾鐘, 撐左6公里, 到達我地下午既目的地
一個兩面都係水既沙灘
好靚!!靚到不得之了!
上水, 又係凍到叫媽媽, 因為今次係濕到落褲浪
食lunch, 有薄餅, 有生果, 有果汗, 有餅干, 有罐頭, 幾豐富!
之後Anthony叫我地係海灘上執一樣野, 最代表到自己我揀左海水
因為鐘意水既性格, 柔得黎, 亦有一定能量
水能覆舟, 亦能載舟
假若一個人自知自己長處優點, 了解自己再繼而發揮, 便可載舟
否則, 就只會係一灘水
之後Anthony又叫我地係沙上創作
我畫既係一個屋企+SMC
希望可以多陪屋企人, 亦希望今屆SMC可以成功
其實都想畫埋個心 XDXD
不過都知呢D野無得恨
又要準備上艇, 回西貢營地
全程2公里多, 教練限時我地40分鐘要到達
大家花了30分鐘就到喇, 最後幾步還有點依依不捂, 大家一齊慢慢撐!
上水後, 要於限時內清洗點算放置所有物資
不停洗野執野
之後就要準備去跳水喇
著住仍然未干既泳衣短褲救生衣
有種凍到入心既感覺
12人中有3人不諳水性, 他們都要係碼頭旁先試跳水
其他人, 都急不及待上6米台
我地隊女仔個個都有番咁上下勇, 全部女仔先跳
踏出跳板, 眼望2層樓下既海水, 都未覺驚
右手放心口, 左口按鼻, 含一口氣跳落去
感到身體急速下墜, 係最驚!
雖然好凍, 但都忍唔住暢游幾下背泳!
食過晚飯後, 玩左2個mini game, 66分組
次次都係我一個女仔搭全男班
次次都係贏頭輸尾
輸羸都唔重要
最重要係, 到當時為止, 大家都expect其他更好刺激既野玩
教練問我地, 我地個個都只係覺得個課程一般, 未夠喉
3.3.2009
一早6:15起身, 跑了幾圈步, 天未光就要跳第2次水
雖然熱左身, 無咁驚凍, 但見到黑蚊蚊既海面, 都feel到有幾凍
不過大家真係好厲客好勇!!
又係女仔先跳, 個個跳前都笑住擺舖士影張相先!
好快就跳完!
大家仲一齊係水中游下水, 影左幾幅相哩
上水沖涼後食早餐
之後就趕去爬繩網陣
教練有點發脾氣, 因為我地有點遲到
搞到我唔敢拎相機
唉好後悔
先去玩左2個LEVEL 3/10既繩網
再玩一個level 9/10既木條
同alex一組, 佢真係好大力好厲害!
好快就同佢上到頂!!
大家都好快, 一組比一組快
連教練都不得不說, 好多成年組都不能完成, 但我地卻全部都可以於限期內完成
lunch之後
教練叫我地2個一pair, 找個地方深情對話, 談下對方優缺點
本來同alex一組, 但就比佢地屈左同一粒一組, 連教練都玩我地 XD
好唔慣一粒唔用鄉音講野把聲 XD
原本教練話玩一個難度12/10, 總之係爆難既一個繩網
但最後玩高空拍波
easy到呢...
不過好好笑
同一粒一組
我先爬上2-3層樓高既木柱, 企係一個尺半乘尺半既正方板上
我已經企到好邊, 比位一粒企
但當一粒爬到上黎
佢個大躉, 係佢企起身期間一路頂住我 XDXD
有一刻, 我差點失重心,
我當時心諗, 係咪真係咁少位企呀 XDXD
又心諗, 如果我真係因為比佢個躉撞左我出去
我會打爆佢個頭 XDXD
咁就玩完喇~
返hall evaluate下
頒證書
有趣既係, anthony似乎好有興趣知多D MKT SMC既野
同我都傾左好耐佢既過去, 有咩post, 有咩興趣
仲比埋卡片我
完左大家仲一齊去滿記食糖水
吹下水
ANYWAY 總括呢3日
有幾個最大既感覺
- 3日都寒冷天警告, 但3日都要落水, 真係好凍, 凍到我以後都唔會再怕凍架喇
- 有D唔夠喉, 除左凍之外, 好多活動既難度都唔高, 大家都應付有餘
- 叫做學識撐獨木舟, 有機會我會再玩!
- 鄉音, 了哥阿詹一粒3日都不停講鄉音+粗口, 但佢地真係好好好好笑!!!!!! 好有娛樂性! 成個大細路咁! 多謝你地!!
好開心識到你地!!
呢班teammate 真係無得彈
| | |
| Entry :914
日期: 2008年12月13日
標題: 城大風波
今日考完試!正!
原來考試只係考一科, 個感覺都唔錯!
用一星期溫呢科, 多左~
今日陳大河, 同hall出面都有好多secure, 亦有好多疑似記者
哎呀! 宜家mkt個image都唔知算好左定衰左
我今屆做SMC先搞D咁既野出黎, 仲唔係黑仔
如果今年個admission score低左. 多得佢唔少
從marketing角度睇, 任何野都somehow需要market下
產品要market, 人都somehow需要brand下自己個outfit, personality, character
亦要differentiate下自己, 別人才會容易記起你的特點
我大既都需要position下differentiate下自己
呢個sem break, 最緊要係要搞好個就職禮
要寫多D文比alex
要考好個ielts
其實最想係搵part time
| | |
| Entry: 913
日期: 2008年11月30日
標題: 崇德50週年校慶
5年前既45週年盤菜宴, 大開10X圍
5年後既50週年, 已經延開17X圍, 有逾2千人
聽番崇德傳統落堂歌聲, 莫名地感動
見番新7S
見番舊7S
見番成班scout
見番好多老師, 難得既係, 佢地仲記得我個名
見番好多師兄姊師弟妹, 雖然唔識, 但都是一張張似曾相識既面孔
仲見番佢...估唔到...佢個樣仲係好細個:)
不停搵人影相, 自拍, 好開心
有趣既係, 一D過去不太認識既師妹師弟, 會主動走過黎傾計, 講下自己又問下野
有人話: 你好開心喎!
係, 我都發覺我一整晚都笑得好開懷
太掛住大家, 按捺不住
之後拉大隊去我屋企樓下B仔食糖水
因為天氣太凍, 去公園吹水既計劃都擱置
陪fanny candy 去小巴站期間
竟然見番成班舊7S
哈哈同佢地再一次去B仔吹水
好好笑, 坐坐下又見到成班scout
之後去唱通宵K
明顯大家又累對唱K又不大興趣
只係因為難得耐無見, 至留咁耐
好難喇
好難會再有機會一次過再見咁多人
呢種凝聚力, 已經好難係大學搵到
有一個師兄
無記錯自中一起, 因為藍社關係認識到佢
唔太記得佢姓甚名誰
但有趣既係, 往後既日子, 好幾次分別係香港唔同既地方遇到佢
彼此叫不出對方名子, 但總會互相打個招呼
每一次, 佢都會問我拎contact,
由問拎 icq, 到問拎msn, 到問拎電話
每次見, 佢都話唔見左, 再問過
今日遇番佢, 又再一次問
勸佢不如放棄吧
哈, 今次終於記得
| | |
| Cosmo Girl Project Interview
36強止步
垣白講, 我覺得我地係輸在個tone, 外表
logo, 襟章, 設計, 意念...等等 都有心思, 有準備, 我相信佢地係感受到我地既誠意
但我地衣著方面既tone就顯得不太一致'
present方面又只著重1-2個人, 不是人人有相等機會發言
入不到12強, 的確有點可惜
MKT SAS 人大合照
好有糖心風暴FEEL XD
Information Day
做足一日, 好tire
Gathering
| | |
| Entry: 912
日期: 2008年10月24日
支出(20-24): 269.6
標題: 同Alex 食飯
好忙, 真係好忙
但同Alex食完飯之後
不得不把他的話記下
呢餐飯, 食左3個幾4個鐘
萬料不到, 原來Alex都係元朗讀書, 讀信義! 仲repeat過!
可能係因為咁, 同佢特別多野傾
由Alex坐下, 點了2碟菜開始
問了我幾句
我答: CE 20分, AL 4D1E, 家有1兄, 亦是CITY大學生, 家住元朗, 父母皆是工人
之後開始跟我玩了一個似是心理測驗既栗米game
玩玩下, 提到我小學生活
再繼續玩番個栗米game, 玩玩下, 又分析我初中性格
再繼續玩番個栗米game, 又突然跳去估計我高中際遇
再繼續玩番個栗米game, 又突然分析我的性格, 優點, 不足
再繼續玩番個栗米game, 又會提供一些給我改變改善自己, 回饋不足的方法
講左好多, 講左好耐
你其實小學就已經跑出
你唔鐘意搞小圈子
唔鐘意講是非
有男仔頭性格, 主動
你跟同年紀既女仔, 有D唔同
比同年紀既人成熟, 甚至有點老人精感覺
對自己要求高
既執著又矛盾
中一至中三, 係你全盛時期
中四開始遇到少許困難
中六重讀多一年既決定, 錯
亦見到你人很執著
不過歷史重演, 時光倒流, 你仍然會錯
我肯定跟你講, 你將來會成就非凡
但你一定會經過好多錯敗, 而且係好多好多, 先可以有所成就
無辦法, 係你自己問題
幫你唔到, 你亦改變不來
你英文差, 差在comprehension, 亦因此影響practical skill, 最後令你英文成續差
全因你人太心急, 鐘意睇一半, 估一半
可惜, 你往往估錯
所以你平時學校成績不錯, 但一到考試, 就心急去估, 錯哂
pure maths既失敗, 除基於你懶做數之外, 係你logic出問題, 你得承認
又repeat又asso這幾年間, 你既執著令到你自己唔開心, 質疑自己能力
你老是記住的話, 會阻礙你將來發展
要你忘記, 係好難
因為愈叫自己忘記, 就愈難忘記
你要做既係, 不要再提, 立即洗掉回憶
失敗過後, 要記住既, 係教訓, 而非感情
記住, 你要保持耐性
亦要堅持, 尤以學英文為例
經我多年經驗所得, 老闆最想要咩員工?
非學歷, 係醒目, 英文好, presentable
宜家開始, 你要堅持
堅持多睇經濟報章
一日看5篇中文版+1篇英文版既 Financial Times
作為SMC既P
你要看既, 係大圍進展, 從外觀察
你要擴闊眼光, 放遠眼光, 留意市場
最忌不要為忙而忙
要有priority, 不要做教火隊隊長, 咩都掂一餐
好多野唔急, 但重要
例如, 我約你食飯, 唔急架, 我自己都有好多野趕住要做
但我覺得, 同你食完飯, 可以比你自己早D為你將來2年打算, 就好重要
記住, 學英文, 唔急架, 亦無deadline
但就好重要
你要開始為你將來打算
不要只做你鐘意做既事, 而係要做你要做既事
BE FOCUS
作為一個P, 你要帶領一個團隊
人事兩者, 最難搞係前者, 即人
你要整team人跟你一套做事, 不易
encouragement 很重要, 不妨多給表揚信
以我估計, 你將來大有機會自己搞生意
即使不搞生意, 也會製造創造一些東西讓自己take in charge
但這是後10年後既事
你前10年, 一定要打工
不是打大公司, 而是打中小企
你成功需要有好多失敗, 亦好大機會被人呃
所以你最好早一點被人呃
好似好遠既事
你亦可能不同意, 說不定你好快嫁人做賢妻良母
但你自細有種take in charge既性格, 屈就老閭指令不是你響往的
總之肯定, 你他日一定係成功人士
唔信?
唔係問你信唔信會變成咁, 而係問你想唔想
.
.
.
仲傾左好多
有無拍拖
男女關係
佢repeat由文轉理既經過
佢點樣由city mkt 2000年收1E1D, 到宜家2008年收2B
點樣為mkt 製造多D noise, impact
點解一日兩餐, lunch dinner都同學生食
犧牲左幾多其他東西
多到我都唔記得喇...
alex重覆左最少5次, 話我將來必有成就
我第一個感覺係「吹水, 唔信」
「唔係問你信唔信會變成咁, 而係問你想唔想」
...都想既...XD
alex 就係咁, 吹水至叻
但最起碼可以吹水吹到, 為你心中那團火多添柴火
| | |
|
